Yekhethu kamabamb’ezibukhali wakonobamba,
Yikunzi yakoGwazana,
Eyagwaza kwanga ithaph’ idaka,
Kant’ ithaph’ imbambo zamadoda.
UHlahla owadanisa amadlanga,
WakwaMkerezani newakwaSiphalo,
Iinkomo zahloboka zakhamba,
Zadliwa libululu likaMbandeni,
Zayokweyam’ umhlamhlani namanzodaka.
Zabhula amatjhoba zanyamalala,
Ekhethu kwaHlahla, kaJali kwaBaleni,
KaSiqezeni, kwasithimbili esingevu nesingevuzana,
Iinkomo zimuka njengamabele asesiseleni.
UHlahla wafuy’ amatje anomlonyana,
Kwankomo zingangamatj’ asentabeni,
UMatimelana wakoGwalana,
USomrimako noMamba,
Ngusiphek’ ebandla,
Singapheka ngekhaya siphekel’ abentwana,
UNobuyekeno noSidiya