Yekhethu kaTjhabangu
kaMahlokohla Ngwana,
Owahlokohla iimbila zisemlindini wazo,
Zaphuma zijabajaba.
Ngwana Mahlabathi,
Ngumadlel’ elangeni
nangadlela emthunzin’ angagongobala,
Ngunyawo zimasese.
Ngutjhabangu owagasela amakhosi
ngomlomo amakhosi agaselwa ngamasimula,
Ngumakhonz’ akhonzele futhi
abanye bakhonza bagoduka.
Sisandla eside emadodeni,
Idlanga ngelikaMakomane,
Eladlangalala liguqe ngamadolo.