Yekhethu kaThugwana Manghana,
Umvulan’ ombethezana,
Ipalahla kaMbulawa,
Mbulali ubulala wekhenu nje,
Iinhloni zakho zayaphi?
Iinhloni zemuka nenungu,
Begodu zemuka nomlambo.
Umbulali owabulala wakwabo,
Wathi ungalila sengililile,
Lidlanga elimhlophe
elaseza umsuthu amanzi.
Nguthugwana Manghana, mbinandawo,
Msuthu osilil’ esindawombili,
Umabongolela owabongelela
eentabeni zamaNdebele.