Yekhethu kaDludlu kaHloyani,
Dludlu mkhal’ emine
wesihlanu isaphothwa,
Ngezokuthwalwa sijojolokazi,
Yikunzi yakoGwazana,
Eyagwaza ngazo zombili,
Yagwaza yanjonjoloza,
Yagwaza yathaph idaka,
Yarhuq’ idaka kwanga libisi lamathole,
Kumhlazana amadoda azayibamba ayibewule,
UDludlu wesaba ukugudwa,
Wayengwa ngekhabe samntwana,
Ngumalotjholelwa ngezokubolekwa
abanye balotjholwe ngamabherha wabonina,
Yingubo kaliwako.
Ngeyekhethu kaMusi kaMhlanga,
Yikomo ebomvu kaNanasi,
Sinakanaka sakwDludlu,
Esanakazel’ ummango nommangwana,
Kosekhethu kwaDludlu,
Eyahlab’ ikomo magega nendlela,
Yathi odlulako adle adlule,
Sithimbili esingevuzana,
SimaJal’ amahle wakoKhethekile.