Sibiya ngapondo abanye babiya ngemithangala,
Siwandle malobola alahla
Akghantjha amathole ukwanda,
Ngewakomtjhim’ usekorweni koSosombela,
Iintambo zekhethu ngezaphothwa
ekhaya nemathafeni.
Ziintaba ezatlhoga umthali,
Zaye zathalwa yikunzi yakoMzobe,
Yona eyeza nomuda nomdaka.
Ngumafumana kwenile
afak’inyawo,
Angesabi ukulunywa bokume.
NgewakoZikorombo wakoBolile,
Sibandana esalala emhlangeni,
Sathi sivuka sadla bekhabomkhulu.