Mahlangu Sirudla samaja,
Mrhabuli sirudla kwamanye amarudla
sabalela,
Isibongo esingabongelw’ ebantwaneni,
Wasibongel’ ebantwaneni siyaridila,
Yipungutjha eyakhamb’ izilela
Yathi umuzi kababa wawungeyikukhawuka,
Kwakungesikukhawuka kwakukunyangeka.
NguSoThabatheni,
USoThabatheni mswa onganabuhlangelo,
NguVumazoke owavuma nezabesuthu,
Igwalimba likaMthunjwa,
Elakhamba ligwalimba imizi yabanye,
Lilala litjheja livuka litjheja,
Usilaphani weenyawo ezimabhadubhadu,
Owakhamba asona imizi yabantu,
Kuthi nofana kungasuye kuthiwe nguye.