Yekhethu kaQongo kaNzunza,
Owasuka amaQongo avungama,
Kwanga kukhambe uNzunza woke
kanti kukhamba umfokazana.
Nguqangubana ubuso abunantongo,
Ngumazimela likhamba,
Ngumazimela ligijima,
NguMaguda nala nguSombuzo.
NguSoMpingwana usiPhumuz, amadoda,
Bathi uQongo ukhambile
kanti uQongo usahlezi esiqongolweni sentaba
UQongo ngunyawo zimazingizingi
ngokufuna’ amazibuko,
NguMswangunana komo nabantu,
UMswangunana ngowabamba ingwe ngomsila.