Yekhethu kwaNtobela, nguSikatana kwenanela,
Yinto ethenjwe ngamany’ amadoda,
Kanti abamthembi bayamtjitjizela,
Bathi uNtobela akadumanga,
Akasibusi isitjhaba
Wayokubus’ emarhalawumbeni.
Yindlovu kayiphendulwa,
UNtobela likhobongo eladla elinye ikhobongo,
Ngoba amakhobongo akayilani.
Walwa noMalemena babanga
inaka lamaza,
Inaka lamaza alembathwa mumuntu,
Lembathwa nguNtobela yedwa.
UNtobela nguNtobela womthonjana,
Owehla entabeni,
Uselwa ngababili
wawusela wedwa uyabhinjidelwa.