Yekhethu kaNdimande kaNzunza,
Ziindima ezimakghathulela,
Kungasi ziindima zokulima,
Kuziindima zemikhonto.
Ngumadla iinkomo zeSwazini,
Bewaqeda amarhwanqa weSwazini,
Lizulu elimrhalazana,
Ngeladabula isiphagu seSewula,
Yindlovu emawuba kaNzunza,
Ngeyehla sinyova entabeni,
Yayehla ibhade amaseko,
Yingwe emawuba kaNzunza.
Yingwe yakonomazumazumani,
Ngeyazuma imini nobusuku,
Yayingazumi inyamazana,
Yayizuma abantu.
Mahlangu omhlophe!