NguMahlangu onga yingwe sangolonyana,
Ngusinghalela ebasuthwini abaye
banghalela ebukhobongweni,
Rhotjh’ elimanyama amanye ayakhanya.
NguSihlamba nakabonani
ngokuhlamba emazibukweni?
Ngusiduda nabakhwekazi
iinhloni ziyokwemuka nomlambo.
Bukhahlu bunzonzo,
Bukhahlu ubeletheni ngomhlana?
Ngibeleth’ amathumbu wendoda.
Umlomakho lo uhlamazana nje
uhlanzwe yini?
Uhlanzwe liqusa lotjhwala,
NguMadlelila wako Khilile,
Siphekel’ ebandla sakoNontshwana,
Nasiphekela ngekhaya siphekel’ abomma
Nasiphekela ebandla siphekel’ abobaba.
NguTjhawutjhawu ndlovu!
UMlamulankunzi
namhla zisilwa.