Yekhethu kaMbuduma,
NguMbuduma kaMasoka,
NguMasoka asokele futhi,
Sigwegwe sakoBingweni.
Ngathana khekube sigwegwe selithi sasizakweluleka
Sasinda ngoba kusiGwegwe selitje,
UZomb’ ilitjhe umtwana wakoSele,
Yikomo ngeyakaMusi kaMhlanga,
Zembe komo nabantu.
Gugugu! Njengomlambo uzele,
Zulu mhla uyokuna uyokuna ngenzasi komrhodo,
Uyakubulala iinkomo nabantu,
Lihlungwana elimnyama lakondunakazi,
Elehle emhlolweni lehlela imihlambi yamadoda.
Lehlela aboKotheni kaNzunza,
Lehlela aboPetha iindaba,
Lehlela naboNanasi.