Yekhethu kaHlalithwa onzima namadodana,
Kabini Zimba linzima namadodana,
Nodindwa angezwa,
Msila osithithibala kwaNzunza,
Nanamhlanjesi usathithibele.
UKabini ngungalo ziyabikwa emaNdebeleni,
Yipengu kayithunywa,
Wayithuma iyathumba,
Yathunywa eSwazini yathumba,
Yathunywa kwaSigwadi yathumba.
Liqina elagaqa ngomlenze munye,
Lisenza amano wokweyama,
Ukuya emthonjeni
ongaphetjheya kweligwa neligwana.