Nondarhana weliwa,
Sihlangu esakhanya endabeni,
Bathi sikhanyiselweni?
Kwathiwa sikhanyiselwe abadluli ngendlela.
E! Bhibhidlwana! Nyoni sakha kumbi,
Eyandisa umlomo edodotjeni,
Sigwegwe sakoMalenjana,
Nangathana kwaba sigwegwe selithi
besizakulinga ukuselula,
Nodindwa angezwa, Rhadasi,
Imbuya yamaqeph’ amahle,
Abafazi bathi ukuyibona bayiphalalela,
Mfene zimabutho,
Ezafulathelana ukutjhinga kwelanga,
E! Rhadasi!