Nawubhudanga uthunjiwe, kungatjho bona uzokuba neenkolodo ezimbi ezingakufaka emirarweni. Kungatjho bona uhlulwe kulawula ipilo yakho begodu ulahlekelwe lithemba, izinto zingaphezu kwamandla wakho kodwana nawuphunyuka ekuthunjweni, kutjho bona unesibindi begodu usebenza ngamandla – kufanele uhlule imiraro epilwenakho begodu uphumelele.
Ukuthunjwa kwabanye abantu
Ukubhudanga uthunjiwe kungatjho okunengi:
- Kufanele uqphele abantu abaseduze nawe, njengombana abanye babo manaba wakho abahlela ukukulimaza
- Kunabantu abazama ukukukhohlisa ngomnqopho wokukwehlisa
- Kufanele uzivikele begodu ungatjeli woke umuntu ngamaqhinga namahlelo wakho bewafezeke
Ubuloyi
Ukubhudanga uthunjwe mloyi kungatjho bona kufanele uqaphele njengombana kunabanye abantu abazamileko ukukuloya nofana ukuthumela iinlwana zoMoya. Kufanele uthole iinhlahla zesintu ukuze uzivikele nofana itswayi elimakwariya ukuzihlambulula ngalo nofana ufuthe ngalo.
Abantwana
Ukubhudanga umntwanakho athunjwa kungatjho ukuthi ubanjwe beZimu. Nangabe ubangwa beZimu, kungatjho ukuthi:
- Umntwana wabikwa ebeZimini kodwana akhange kulandelwe irherho lokuphetha amasiko-pilo wesintu ngeKhabomkhulu
- Umntwna ukhulela ekhabo babakhe ngamabanga athize kodwana indlela efaneleko yokuphethwa kwamasiko-pilo wesintu akhange ilandelwe bobaba