Kuqakathekile ukuthi nawuba nebhudango njalo, ukghone ukuzwisisa bona litjho ukuthini. Ibhudangwelo lingakubonisa okungenzeka, begodu kuqakathekile bona uzwisise ihlathululo yakhona. Emhleni amabhudango ajamela abeZimu bakukhuluma nawe. Ukuba namabhudango amambi njalo akusiyo into ehle ngombana kubika ubungozi. Kunekolo yokuthi nange wenza ngendlela abeZimu bakutjela ngayo emabhudangweni, uzokuba netjhudu begodu bazokuba khona bakuvikele eentjhijilweni. Nange wenza ekufanele ukwenze, amabhudangwakho kufanele atjengise
- Nangabe ubhudanga ulwa noS’bari sakho nofana uqalisa amahlwalwakhe ngakuwe (umdunusela): lokhu kungatjho bona uyakuthakatha. Kodwana nangabe ubhudanga umubetha bewum’hlule, umhlulile ezenzweni nehlosweni yakhe embi. Ngokungezeleleko, ubuthakathi akuthakathe ngabo angekhe busabesenza.
- Nangabe ubudanga ulwa nomuntu bese akuhlule, ihlathululo yakhona iya ngokuthi umuntu lo olwa naye ubulili buphi. Nangabe uduna bese uhlulwa mumuntu osikazi nofana usikazi uhlulwa yindoda, ulwa nesilwane soMoya, begodu ubulili besilwane leso buphambene nobulili bomuntu lo othume isilwaneso. Kodwana nangabe ubhudanga umhlula umuntu loyo kutjho bona umhlulile mbala nepilweni yenyama. Abanye abantu banetjhudu lokubona bona silwane lesi esithunyelweko ngombana siyatjhuguluka sibe mntwanabo nofana sihlobo. Waragela phambili wasibetha siyatjhuguluka godu sibe silwane. Nangabe usibetha besife, sewuthumbile begodu angeze sisakutshwenya. Ungawasusa amabudango la ngokusebenzisa iinhlahla zesintu nofana ngomthandazo nangabe umumuntu okholelwa emthandazweni.
- Nangabe ubhudanga indlu iyakhiwa, kungatjho izinto ezahlukahlukeneko. Nangabe ubhudanga indlu iphelile nofana iyakhiwa msinya, kutjho bona kunomuntu ozokugula. Kodwana nawuyibhuruzao, lokhu angeze kusenzeka. Nangabe uthatha isisetjenziswa esisentjenziswe ekwakheni indlu bese ubhirize indlu: kutjho bona uhlule igulo noma into embi engathana yenzeke kuwe nofana emndenini wakho.
- Nangabe ubhudanga okungokwakho kulahlekile bese ungakutholi nawukuzumako, nofana udlelezelwe into oboyiphethe ngesandla, kungaba mlayezo omayelana netjhudu. Kwesinye isikhathi ubhudanga uphethe amacici esandleni bese elinye wawo liyalahleka. Nofana amakunupe wezambatho ebewuzimbethe ayalahleka begodu awuwatholi. Nangabe ubhudanga sowuwathola ngokwakho nofana uzwa iphimbo lithi, “Nazi izinto zakho,” kutjho bona ukuhlulile ubumbi noma umuntu obekafuna ukuthatha itjhudu lakho.
- Ungabhudanga umuntu enza izinto ezimbi kuwe nofana abaleka ukukuqala ngemehlweni. Kungenzeka bona basebujameni obumbi begodu kwesinye isikhathi bakhuluma nawe begodu bakutjele izinto ezimbi abafuna ukuzenza kuwe nokuthi kubayini bafuna ukuzenza. Kwesinye isikhathi umuntu loyo usuke aqiniswe ngeenhlahla zesintu begodu atjelwe ziiNyanga bona abeZimu babo bayabavikela. Kodwana umuntu lo ukutjela bona amano wakhe akasebenzi begodu amandla weenhlahla zabo kanye neeNyanga zabo abasibaga. Nange kungenzeka lokhu, umuntu loyo angeze asenza litho kuwe ngombana amandlakhe aphelile.
- Nangabe umuntu uzeba nomlinganakho begodu ubhudanga akurhuga, lokhu bona bayakuthakatha. Kodwana nangabe ubhudanga ubetha umuntu loyo bekafe, kutjho bona umhlulile kilokhu okumbi ebakakwenza kuwe begodu ubuthakathi lobu ebebabuthumele angeze busasebenza.