Ihlathululo yokubhudanga ngebisi lebele liya ngobunengi balo kanye nangomuntu.
Ibisi lebele elinengi
Ukubhudanga ngebisi lebele elidluleleko nofana elinengi liphuma emabeleni kuliphawu elihle lelo ngombana kutjho bona ungaba sigwili begodu umumuntu ozinikelako ekusizeni abanye abantu.
Ukubhudanga ngebisi lebele lilinengi kungaba liphawu elihle. Ingaphawula ipumelelo nokukghona ukuqalana neentjhijilo bewuzihlule begodu nabantwabakho angeze batlhoge, bazokuba bonjinga begodu baphumelele. Kwesinye isikhathi ibhudangweli lingatjho bona uneembusiso ezithize ezivela kuZimu.
Nangabe umuntu omsizaki owendileko ubhudanga ibisi elinengi liphuma emabeleni kungatjho ukuthi ukhulisa abantwana bakhe ngendlele efaneleko begodu uyakghona nokuzinakelela kodwana nangabe ibisi liphuma nje uyalila kungatjho ukuthi kuzokuba namatjhuguluko amambi azokuhlangahlanganisa ipilwakhe.
Ukumunyisa ibisi lebele
Ukubhudanga umunyisa umntwana kungaba liphawu elihle lokuthi umumuntu onomusa nonethando kodwana nangabe ibhudangweli libuya kanengi kungatjho bona umunyisa isilwana, ye-ke kufanele uthole isizo ngesintu nofana ngoMoya ukuze usizeke.
Nangabe ubhudanga umunyisa umntwana ibisi elimnandi kwangangokuthi ugcina ulikhanuka nawe kungatjho bona ulangazelela ukudla koMoya – ukunqopha noZimu. Nangabe ubhudanga umunyiswa ibisi lebele kungatjho ukuthi uneentlabagelo ezaneleko zokuziphilisa bese kwelinye ihlangathi, kungatjho ukuthi unethemba kuZimu.
Umma obuye emendweni nakabhudanga ngebisi lebele kungaphawula ithabo nepumelelo ezizako epilwenakhe begodu kungaphawula nokuthi uzokuthola indlela etjha yokuphila nokwenza imali begodu abe nokuthula nokulapheka eMoyeni.
Ukulisa ukumunyisa ibisi lebele
Nangabe ubhudanga ibisi lebele lingaphumi nofana ungakghoni ukumunyisa kungaba liphawu elimbi lelo. Kungaphawula ukuthi awunazo iintlabagelo zokuziphilisa, ezingakukatelela bona uzisize.
Nangabe ubhudanga ulisisa umntwana ukumunya ibisi lebele, kungatjho okumbi ngombana leli liphawu elimbi eliphawula bona ungunghame nofana lokha nakufanele ulekelele bewusize abantu abahlonga ukusizwa awenzi njalo, uyabhala ukusiza abantu.
Nangabe ubhudanga ufuna ukukhandela ibele lakho bona lingakhiqizi ibisi lebele kungatjho ukuthi kukhona umuntu ozokubusiswa ngomntwana nofana okulungeko nomntwana, kodwana nangabe liphuma njalo njalo ngaphandle kokujama kungatjho bona uzokugandeleleka, okungaba kulahlekelwa ziimali.