Ukubhudanga ngamaphela kungajamela iintjhijilo ezihlukahlukeneko, ukusuka ebudisini bomuntu mathupha ukuya ekuhlaselweni ngokoMoya, kuya ngobujamo obuthileko bebhudango.
Ubuloyi nokuloyiwa
- Ukubhudanga amaphela akhamba emzimbeni wakho, ebusweni bakho nofana aphezu kombhede kungatjengisa bona bayakuthakathaka ukwenzela bona ungathandwa babantu.
- Ukubhudanga amaphela akhamba phezu kwehloko yakho kungatjho bona uqalene nobudisi neziqalekiso ezizokulimaza uMoyakho nofana abantu abakuthakathko bafuna bona uhlanye.
- Ukubhudanga amaphela endlini yoke kungatjho bona indlu yakho nofana indlu yomndenakho ilinyazwe ngeehlahla zesintu ebegade zisetjenziswe kuwe, begodu noke kuzokufanela bona nisebenzise lokho enikukholelwako ukuzivikela.
Ukuqalana nemiraro
- Ukubhudanga ungakghoni ukubulala amaphela kungatjho bona uzokuhluleka ukurarulula imiraro ekutshwenyako nekuphazamisa ithabo lakho.
- Nawubhudanga ngamaphela amakhulu, lokhu kungatjho bona uzokuqalana nemiraro ebudisi ezakutlhoga ubuhlakani ukuyirarulula.
- Kwesinye isikhathi ukubhudanga ngamaphela kungatjho bona uzokukghona ukuqalana nobujamo obudisi ngitjho nanyana angasekelwa ngomunye umuntu.
Abantu abangakalungi
- Ukubhudanga ngamaphela kungatjengisa bona uphahlwe babantu abanomona abangakufiseli okuhle.
- Ukubhudanga ngawe ususa amaphela kungatjho bona uzokukghona ukusuka ebantwini abambi abakufisela ubumbi.