Ukubhudanga ubona abentazana beQude bambethe imibhalo / iinkumbese kungatjho izinto ezinengi ezahlukahlukeneko:
- Nangabe ubhudanga abentazana beQude bangena ekhenu begodu beze kuwe kungaba liphawu lokuthi abeZimu bakho bafuna bona uthombe nangabe awukathombi, khulukhulu nangabe kuba noGogo osele akhulile akubuza bona iphi iKumbesakho nofana akubuza ngokuthi siphi isithimba sakho. Isisombululo salokhu kukuthi uthombe.
- Nangabe uthombile nofana uduna kodwana uba namabhudango afana nala kungenzeka bona kunomuntu olilunga lomndeni omubhudangelako. Nakukukuthi uthombile begodu kiwo wona amabhudango la kuba nesilukazi esikwatileko sikubuza ngevunulo yakho njengaso isithimba bona siphi, kungaba liphawu elikhuluma ngembeleko yakho bona isengozini – kungaba kukuthi kunomuntu okuthakathako bona ungabelethi. Isisombululo sala kukuthi uye kibo Siyazi uyokuhlola ngepilwakho.
- Nangabe ubhudanga abentazana beQude bajame ngaphandle kwejarada, babhalelwa kungena kungatjho ukuthi kunabeZimu abasikazi ababhalelwa kungena ekhaya nofana kunesiga ekhaya esivimbela bona kungaphethwa isiko-pilo leQude. Isisombululo kuhlola eNyangeni bona kwenzekani bese igadango lithathwe lapho.
- Nangabe ubhudanga ukwenu begodu kuneQude bese umuntu othombako lo ulilunga lomndeni elabhubha lingakathombi kungatjho bona umuntu loyo ubawa bona nimuthombise. Isisombululo sala kukuthi nenze nim’dlulise.
- Nangabe uduna begodu ubhudanga abentazana beQude nofana ubhudanga kuneQude ekhaya, kungaba liphawu lokuthi kukhona abeZimu ababawa bona ubenzele khona begodu uzokudlala indima eqakathekileko kilokho.
Akwande NaMabhena,
Siyathokoza ukuzihlukumeza okungaka ukuze sizuze.
While on this topic,
Akhesengidluliswe la,
Khesithi umalokazana wekhaya akisilo iNdebele ngokubelethwa, nanalokha simvunulisa akukhange kube nomuntu okhuluma yeQude… manje nakunguye obhudanga umbhalo or abentazana bajame ngaphandle kweyege kwakhe … kungatjho ukuthini lokho?
Akwande. Kungenzeka bona uzibhudangela yena. Ukhumbule bona anguMalokazana njalo uzokuba nabantwana abasikazi abazokufuna ukuthomba, kungenzeka bona abeZimu bakwenu bafuna kudlule yena qangi ngaphamb’ kokuthi adlulise abentwana.