Amabhudango ngabaKhethwa

Ukubhudanga abaKhethwa kungatjho okunengi: 

1. Nangabe ubhudanga abaKhethwa bakugijimisa begodu awufiki la uyakhona kodwana ugijima mazombe kungatjho ukuthi kukhona ekufanele ukuphethe koMoya ekufanele kukukhulise ngendlela ethize kodwana uyakubalekela. Isisombululo kukuthi wamukele lokho bese uphethe ngombana angeze wakghona ukukubalekela bekuphele isikhathi. 
2. Nangabe ubhudanga uya la kubonakala kwangathi kunabaKhethwa khona kodwana nakufanele ufike uyaphaphama kungaba liphawu lokobana likhona ikhambo ekufanele ulithathe noma esele ulithathile elizokuba lide, elizokufuna bona uqine ukuze uphumelele.
3. Nangabe ubhudanga umkhethwa kungaba liphawu lokobana lokhu okwenzako kunetuthuko begodu kungasikade uzokuba nepumelelo.
4. Nangabe ubhudanga amaQhegu akubiza bona ukhambe nawo nikhwele intaba, bese ngaphamb’ kokuthi ufike la niyakhona uhlangana neenlwana zomango njengamabhubezi nofana iingwenyama zikugijimise, ubaleke uye ekhaya kungaba liphawu lokobana kunombango nofana ipi ebeZimini bakho (beKhenu nebeKhenemkhulu) babanga wena njengokuthi nangabe uduna begodu awukaweli bakhona abafuna bona uyokuwela bese abanye abafuni. Isisombululo kukuthi uye kuMelaphi weNdabuko atjho bona umbango uyini begodu nikulungisa njani lokho.