Mudau,
Ndi Vhadau vha thenzheni,
Thenzheni ḽa malowa-nḓila,
Ndi ḽi lowa na mufhiri wa Gondo,
Ndi vhathu vha tsianani na mukono,
Ndi vhathu vha ndele i tshi fa,
I tamba kabubu maṱodzi,
Ndi vha Munzhelele vha u lunzhedza vhulungu vhu no lunzhedzwa nga a re na nzhele, a sina nzhele a tshi fhaladza,
Ndi Mudau, ndi Mpharalala, Mpharalele na vhafhiri vha Gondo,
Ndi vhone vha u ya khunini vha sina luzwa,
Vha vhofha nga zwithu zwavho zwa makapakapa,
Denzheni i ya vhomba Ndau,
Kha dzi vhombe Ndau dza Devhula, kha dzi vhombe Ndau dza thenzheni,
Thenzheni ḽa malowa-nḓila, ḽi lowa na vhafhiri vha Gondo.
