Mulaudzi wa ha-Mabada sinavha, tshinavhela vhavhuya,
Vhavhi a sa navheli, ane a tshi losha vhe: “Dzulani zwaṋu Mulaudzi!”
Ni so ngo vhona Mulaudzi u pfufhifha, o hwala thundu o naka,
Ndi vhaḓuhulu vha gwamasenga, ndi Vhatavhatsindi, vha ila mutshila wa mbudzi ngeno mutumbu vha tshi ḽa,
Ndi tshiulu tsha muḓini, ndi Vhalaudzi, Mulaudzi a sina thavha… thavha dzawe ndi maḓamu a vhasidzana.
