Ndi yone Khuvhula-mananga,
I ri: “Ndi ḽa mavhele vhusiku nda siela vhathu ndala na mutshinyalo,
Hone nda a ḽa masiari ni ḓo nyitani?”
Ya ri: “U lima ndi a lima ndi tou kundwa mbeu”,
Hezwi ḽi tshi tsha ndi humela Dakani thavhani ya Luonde, hone vhubvo hanga,
Ndi yone ya ha-Mala Zwivhisi, ine ya ri i tshi ḽa ya vhomba, i tshi shavhisa Maanga u kavha,
Ye ndi edza Ndou, mananga a bva nga mulomoni,
Ndi Vhakololo vha Luonde,
Ndi vhathu vha ha-Nyakhumba, Nyandala, khumba i fhalaho koko,
Ndi vhathu vha ha-Nyavhuyani nga Mifhululu na nga Madanga a kholomo,
Ndi Vhakwevho maguluvhe mahulwane a Luonde.
