{"id":4484,"date":"2025-07-25T22:05:14","date_gmt":"2025-07-25T20:05:14","guid":{"rendered":"https:\/\/iafrika.org\/tn\/?p=4484"},"modified":"2025-07-25T22:15:39","modified_gmt":"2025-07-25T20:15:39","slug":"ditso-tsa-bangwato","status":"publish","type":"post","link":"https:\/\/iafrika.org\/tn\/ditso-tsa-bangwato\/","title":{"rendered":"Ditso tsa Bangwato"},"content":{"rendered":"\n

Morafe wa Bangwato ke o mongwe wa merafe e e duleng diatla ka palo kwa nageng ya Botswana. Ba ana Photi. Fela jaaka Bangweketse le Bakwena, Bangwato ba tlholegile e le Bahurutshe fa ba ne ba sa ntse ba agile kwa bogareng jwa Aforika le go fitlha kwano Aforika o o borwa. Merafe e e duleng mo Bahurutsheng e nnile Bakwena, Bangwaketse le Bangwato. Ba ne ba nna nakwana le Bakwena mme ya re ka puso ya ga Mathibe ba bo ba fuduga ba ya go nna kwa Soshong.<\/p>\n\n\n\n

Kgaogano ya Bangwato le Bakwena<\/h2>\n\n\n\n

E ne e rile ka motlha o sele, Bangwato ba tlhabana le bomogoloabone e bong Bakwena, gaufi le maje a Kgale mo nokeng ya Ngotwane kwa Morula-o-esi. Ngwato le Kwena ba kgaogana mme Ngwato a ya go thibelela gaufi le ga-Motshodi ba tlogela matlotla kwa Kgale. Go pakiwa gore e rile morago ga ntwa ya Bakwena le Bangwato, ga ba a ka ba nna le dikgopi mme ba ne ba tswelela go bapisana metse. Bangwato ba ile ba tswelela ka go nna ba fuduga ka tlhotlheletso ya mabaka a a farologaneng ba bo ba aga kwa Kgope ka fa tlase ga boeteledipele jwa ga Mathibe mme morago ga ditiragalo dingwe a fudusetsa morafe wa Bangwato kwa Marutle gaufi le Soshong mme moragonyana wa ya go fitlha le go senka bonno kwa Shoshong o o bolelwang.<\/p>\n\n\n\n

Bana ba ga Mathiba<\/h3>\n\n\n\n

Go bolelwa fa Mathibe a ne a na le bana ba basimane, mme ba ba tlhagelelang thata ke Kgama le Tawana yo o neng ya re kwa bofelong arogana le morafe wa gaabo mme a phutha balatedi go ya go tlhama setlhopha sa Batawana se gompieno e leng morafe o o tiileng. Ga twe go kile ga tsoga dikgarakgatso fa gare ga barwamotho, Kgama le Tawana, mme se sa ama raabone thata e leng Mathiba, mo e rileng ya re kwa bofelong a swetsa go ipolaya. E rile morago ga loso lwa gagwe Kgama a nna kgosi ya Bangwato.<\/p>\n\n\n\n

Go bolelwa gore morafe wa Bangwato o ne wa ntsifala thata gonne Kgama o ne a le segatlhamelamasisi e bile a na le dikgatlhegelo tse di molemo mo morafeng wa gagwe. O ne a fenya mo dintweng.<\/p>\n\n\n\n

Tatelano ya magosi a Bangwato<\/h4>\n\n\n\n