{"id":4476,"date":"2025-07-25T22:05:14","date_gmt":"2025-07-25T20:05:14","guid":{"rendered":"https:\/\/iafrika.org\/tn\/?p=4476"},"modified":"2025-07-25T22:51:09","modified_gmt":"2025-07-25T20:51:09","slug":"ditso-tsa-bakgatla","status":"publish","type":"post","link":"https:\/\/iafrika.org\/tn\/ditso-tsa-bakgatla\/","title":{"rendered":"Ditso tsa Bakgatla"},"content":{"rendered":"\n

Bakgatla ke set\u0161haba se e rileng ya re mo loetong la dit\u0161haba tsa Batswana go tloga kwa bogareng jwa Aforika, e rile morago ga kgorogo ya Barolong kwa borwa jwa Aforika, go ne ga latela setlhopha se palo ya sone e neng e thiba letsatsi go gaisa, e leng Bahurutshe, Bakwena le Bakgatla. Bone ba ne ba gorogela kwa dikgaolong tsa bogareng jwa borwa-bophirima jwa Trasvaal koo gone e rileng go goroga, ga nna le dikgaogano tse dintsi thata. Bakgatla ke kala ya Bahurutshe e tlogileng nabo go tswa ga Lowe, mme ba ne ba ikemetse ka bosi, ka fa tlase ga moeteledipele wa bone e leng Kgatle.<\/p>\n\n\n\n

Kgaogano mo morafeng wa Bakgatla<\/h2>\n\n\n\n

Go bolelwa gore Bakgatla ba nnile le botlhokakutlwano le dintwa fa gare ga bone tse di tlhodileng gaoganyo e e bakileng go nna teng ga merafe e palo ya yone e fitlhang go robonngwe (9). Pele ga palo e kana ya merafe e e tlholegang go tswa mo set\u0161habeng sa Bakgatla, e ne e rile ya re fa ba kgaogana le Bahurutshe, ba ikgaoganya makgamu a le mabedi. Go tlogile pele lekgamu la Bakgatla ba ga Kgafela mme ba thibelela kwa Bechuanaland, mme morago ga tlholega morafe wa ga Tabane mme bona ba ya kwa Transvaal.<\/p>\n\n\n\n

Seema sa ga Bakgatla ba ga Kgafela se ne sa tswa ditlhopha tse dingwe tse tharo mo go bone, e leng Bakgatla ba ga Mosetlha, Bakgatla ba ga Mmakau le ba-ga-Mot\u0161ha. E rile ya re kwa bofelong ga nna Bakgatla ba ga Mmanaana ba gompieno ba fitlhelwang kwa nageng ya Botswana. Bakgatla ba ga Tabane e rile go goroga kwa Transvaal, ba ne ba thibelela kwa Magaliesburg. Fa ba fitlha koo ba fitlhetse Bafokeng ba agile koo, mme ba fitlha ba nyalelana. Tabane o ne a nyala morwadia-kgosi ya Bafokeng ba ga kgosi Sebolelaakwena e bong Mmathulare.<\/p>\n\n\n\n

Merafe e e duleng mo Bakgatleng ba-ga-Tabane le Mmathulare:<\/h3>\n\n\n\n