Rramalebanya o thebe tshwaana
O thebe tsheu monna-Makuka a ga Kgafela
Thebe e segwa ke Makoba a kgosi
E segwa ke rrago-Mapula
O reye Tauyadiphala a e go segele
Thebe e segwa ke Machechele a kgosing
E segwa ke Ntlhe le Rramodiana
Thebe e segwa ke Majanko a kgosing
E segwa ke RaTshire le RaNyakale
E segwa ke thaka tsa ga RaBasebi
Ga e a segwa, e tlhatsitswe mmala
Thebe e beilwe tsiba sa badimo
Kgabo e tlola ka yona marumong
E tlola ka yona moleng wa ntwa
Kgosi e tlhaga ga bo-Sefikile
E tlhaga ga bo-Maremapoong
E tlhaga ga Ditlhotlhe, Rramalebanya
E feta ka Mmakukune e bopa<\/p>\n\n\n\n
Tau e lebile majwa a Motshodi
E bua ka borifi, Rramalebanya
Pampiri ya ga Rramaeba
E rile ka Sontaga ya maloba
Ka maneelo a nku tse di tsetse
Ba re, ke bao, ba fitlhile Mafatshwa
Mafatshwa a ga Sekgoma a Photing
Ba re ntwa e kwa phateng ya Bokalaka
Ba re ba batla kgomo tsa kgosing
Ba batla kgomo tsa ga Rrampana
Kapa ba batla morogo ke itse<\/p>\n\n\n\n
Tau ya bo-Moji a bua bogale
A ntse a bua bogale ba petlwa
A lala a sa lala a galefile
A samile chaka lepe sa marumo
A samile chaka, mogatsa-Matlhodi
Ngomolla chaka o itlhabanele
O reme ka yona motho a Photing<\/p>\n\n\n\n
Kgabo ga ke a gola a bo-Tlhabane
Mokgatla wa ga bo-Bana le Tlhabane
Nna ga ke a gola ke feta batho
O fetile ngwana ga-Motswasele a Legwale
O fetile Kgope ntswe la Mokwena
O fetile Mmakanke a feta Modipe
O kana ka ntswe la ga bo-Mmatone
O kana ka Matlhore, Rramalebanya
O kana ka Motlhore le Sefikile
Ke ntswe la ga bo-Pilane a Pheto
Ke ntswe la ga bo-Kgetse a Segolo
Ke ntswe la ga bo-RaBailekae
Le ntswe la ga bo-Tshwabi a Seoka<\/p>\n\n\n\n
Tau ya duma kw Motshodi maloba
Maabane ya duma kwa Lemonyane
Kwa dimpung tsa ga Rranfulatshi
Ya duma ka Bogwete, Rramalebanya
Ya duma ya tsosa magatlapa
E tsositse banna bo-Konyana
Mafatshwa a tshabile kwa Lokgalong
Moolwaneng wag a Rradipalanyana
O ba tshositse ka modumo, Phamodi
Ka leratla, tau ya ga Rrampana<\/p>\n\n\n\n
Nare ya talela ya bo-RaNyakala
Kgodumo e tlhabang e naka di makoro
Nare ya ntsha go duma Mafatshwa
Ya tlhaba Moswete a ga Sehularo
Tshipane ya mo gagola mokokotlo
O tlhabe Moswete o mo itebanye
O tlo o bone o gonya dimpa<\/p>\n\n\n\n
Kukama tse di kwa Dibete di tsongwe
Bodumajako ba setlhwe ba mo tsoma
Ba setlhwe bat soma naga e lefero
Ke naga ya rrago, Rramalebanya
O e neilwe ke morwa-Motswasele
Ga a e newa, o e tsere bosele
O e tsere Motshegare o manana
O e batlile ka theko ya lerumo
Ge tlhoboro di lebaganya melomo
E sa batlilwe ke Pilane a Pheto
Ya batlwa ke rrago-Mojadife
O e batlile ka theko ya lerumo
Ba setlhwe ba anwa diba Letlhaka
O se rekile ka ditlhogo tsa batho
Ba setlhwe bat soma naga a-Leselo
Diochwane ba kabo ba sa mo tsome
Ba kabo ba sa tsome Rramaselwana
Kgabo e thibetse photi letsibogo
E thibetse banna bo-Konyana
Batho boo-Ngwato ga batlhwe ba eta
Ga batlhwe ba etela Lesosong<\/p>\n\n\n\n
Tau e sa padile kwa Motlhabatse
Ya pala kwa Ngape, tau ya Bakgatla
Kgomo di kwa Ngapa ga ditlhwe di hula
Ga ditlhwe di tlhaolelwa marojane
Di tlhola di kiritlile
Di tshabile kgabo a bo-Mmakgosi
Ya bo-Mmaneke, ya bo-Mmakgotha
Ya bo-Mmaneke re boka Mathiba
O ba thibile bake bae me
O ba tshositse ka modumo, Phamodi
Ka leratla, tau ya ga Rrampana
Ke tau ya bo-Mangole le Setoutwe<\/p>\n\n\n\n
Kgosi, nthekele tlhoboro, Phamodi
Le ge ele mmakasone, morena
Nthekele matini, Rramalebanya
Thoboro ke yona thebe ya monna
E tla e re ntwa e tsile ke e kobe
Ke e phuthe ke e etse mogogoro
Nna ke e etse mokgatlha a kobo
Nneele kgomo, mogatsa-Matlhodi
O nneye kgomo, mogatsa-Pidiwe
Nnele namane ke go bokile
Ina la gago la bogale ke leo<\/p>\n\n\n\n
Ke yona thebe e phatshwa ya ga bo-Mmakgosi
E phatshwa ya ga bo-Mosadiathebe
Thebe e rile e satswa go bapholwa
E satswa thipeng go Setoutwe
E ne e tloga ka go gorosa koma
Maabane o tsisitse mmapa wa lefatshe la Dinokana
Ga gotlhwe go le tau ya motlhaba
Tau di jelwe ke tau ya Mankwe le Malopelwa
Di jelwe ke Machechele a kgosing<\/p>\n\n\n\n
Tau e lebile Madikwe e bopa
E lebile Madikwe kwa Rathateng
Ya tshwara motho ya mo gagola dikgopo
Mme e lebile Bogwete, Rramalebanya
E rile e fitlha kwa Sikorola
Kwa letswaing la ga Rrangapana
Ya tshwara motho ya mo tubaka fela
Ya mo phutha mabogo
Yaba ya mo gakisa le go tsaya lerumo<\/p>\n","protected":false},"excerpt":{"rendered":"