Mokgatla wa Seodi sa ha Mmamathe,
Sa ha Masopha, Lesolla,
Ntsukobokobo, Letlakapipi,
Sejakgomo-ka-mmoho, se-ila-moswang,
Seoka, seokaoka se le hodimo,
Seutla se marantha,
Se okametse Basotho le Matebele,
Motho wa metsi.
Molala-sepela, a sesela dikwena,
Mokgatla ka ho ikgatla hanngwe,
Motho wa majarasebera,
Mokgatla wa ba kgatla ba kgabang,
Ka ho ikgatla ka mokgatlo wa Bokgatla,
Bakgatla, kgatlanang le Bakgatla babo lona!<\/p>\n\n\n\n
Ke Mokgatla, Moananong,
Motho wa Mankwane,
Motho wa MaModise a Setabele,
Ke motho wa Manalane a Kgabo,
Moana nonyana e hodimo, nkgodikgodi,
Ha tuka kgabo, ha tuka lelakabe,
Ha tuka kgabo e kgubedu,
Kgomo di be di ipetsa, di le mpetsana,
Hoja mabele a le ditswere,
A! lekgahlelamodula!!
Mautla a solla, lekgolokgolo!
La utla, la solla lekgolokgolo!
Tlake, se solle lekgolokgolo!
Nkgodikgodi ya hodimo,
Sekubutu, sengalatsela,
Wena motho wa Makobuwe,
Tlake, se solle re epela motho,
Motho wa marumo ha a epelwe hae,
O tshwana le moshwela Matebeleng,
Ke motho wa Mapheeke a Kobuwe.<\/p>\n\n\n\n
Ke Mokgatla, mo-ana-nong,
Mo-ana nkgodikgodi a hodimo,
Wa Mmamodise a Setabele.<\/p>\n","protected":false},"excerpt":{"rendered":"
Mokgatla wa Seodi sa ha Mmamathe,Sa ha Masopha, Lesolla,Ntsukobokobo, Letlakapipi,Sejakgomo-ka-mmoho, se-ila-moswang,Seoka, seokaoka se le hodimo,Seutla se marantha,Se okametse Basotho le Matebele,Motho wa metsi.Molala-sepela, a sesela dikwena,Mokgatla ka ho ikgatla hanngwe,Motho wa majarasebera,Mokgatla wa ba kgatla ba kgabang,Ka ho ikgatla ka mokgatlo wa Bokgatla,Bakgatla, kgatlanang le Bakgatla babo lona! Kapa ho thwe Ke Mokgatla, Moananong,Motho wa … <\/p>\n