Matsebula!Mkholo,Mkholo lonsundvu netinyawo takhe tekucatsatela egumeni kaboMntfwana,Cotsa!Ngubo yengwenyama!Ngwenyama lendvuna!Wena welugogo lwengwekati!Wena washoba lenkuzi lesilikitsi,Wasindvwa lishoba na uyowela ematubukweni!Emacaca akahlali ndzawonye ngoba ayanukelana,Masina!Sihlahla semtfongwane lesahamba sacedza emayaya!Mavimbela!Wena wetinja tiyamluma tiyamtsakasela!
Zwane!Mangweni!Zikodze!Shangase!Mangweni loluhlata njengencoshane!Nselendvuna!Nsele yeMangweni!Tfwalatfwala seNsele!Wena watfwala silo seNsele!Wena wadla insele kantsi waseNseleni!Lindzumkhonto!Wena wemafu akalingani ngaphansi nangetulu,Wena weJojo kaMangetse,Mangetse weNtjenteka!Shobane!Nibahle boZwane ninjengetinkhwapha tetimphala naliyoshona lilanga!Zwane!
Nkhosi!Sihlongonyane saka LaNgwenya lesimhlophe!Lesinematfumbu laluhlata lanjengencoshane,Lesingakhonjwa ngendvuku siyayilandzela!Asilali ecansini elikhwane,Silala ecansini lenchoboza!Somopho!Gagaga!Wena wakaDonda!Wena waphaphela encabeni netjeni,Litje lavika emadvodza!Sihlongonyane!
Shongwe!Kunene!Mntimandze!Lobhambolunye!Tingaba timbili tifute ekhabonina!Mageza ngelubisi emanti ahleti!Bantfu labahle kakhulu,Timomotfo!Uyajabula umfati lowendza kaShongwe ngobe utawutala timomotfo!Shongwe!
Shabangu!Mbhele!Loluhlata njengencoshane!Ndlangamandla waboSithole!Bomake abayikhi incoshane,Besaba kutsi batawukha bantfwababo!Mahle emabhele ngoba alandzela inkhosi uma ibuya eShiselweni!KaShabangu akuvalwa ngemivalo,Kuvalwa ngemakhandza emadvodza!Wena waseTjodo!Uma uhleti nelibhele uyalibala!Shabangu!
Nxumalo!Ndwandwe!Mkhatjwa!Wena waseGudu,WaseGudunkomo!Zwide kaLanga!Nkabanhle!Inkaba yenkhosi,Inkaba zombili!Yaba yinye ebazizondayo!Mnguni ongaqali muntu ngibona abakuqalayo!Inkomo enganankonyane!Khokhela bantfu ebantwini!Wena wakhatjwa ngezinde nangezimfishane!Dabuka nyawo zikaZulu!Nxumalo!
Mkhwanazi!Shamase wamavovo,Shiba lomkhulu!Nkwali yenkosi,Mazal’inkosi!Mpangazitha!Hlangoza!Hlamatane waboNyandzeni!Solimbomvu!Wena wakhaphuzela amadoda kweyaseLubuya,Khwane lihle babebathe bayalisika liyamila!
Mkhonta!Mhlungwane,Dlabatsi,Mbhele loluhlata njengencoshane!Machuba lutfuli,Madlingotsi!Wena weNgwedze neNgwavuma,Wena wachamuka eZitheni kaLobamba,Kwaze kwacangana emahlungwane!Wena wagezela inkhosi enhla,Mkhonta!
Mkhatjwa!Ndwandwe,Nxumalo,Nkabanhle!Wena waseGudu,Wena waseGudunkomo!Nkhabanhle zombili!Zwide kaLanga!
Nkhosi!Mhlanga,Khabako!Nkom’ikhabako waboLanga!Wena waseMavaneni!Wena wadlala kanye,Ngabe kusasa utawudlalani?Wena lomuhle kakhulu!Bhudvulwako lonjengumsutfukatana!Wena welitulu alibongwa,Libongwa labalimako kuphela!