Nkhosi! Dlamini, Wena wekunene, Wena lomuhle kakhulu! Wena weluhlanga lwakaNgwane, Hlubi! Mlangeni, Wena lowacedza Lubombo ngekuhlehletela, Wabophela lokuhle emtfuntini, Wena longayidli imvu, Wesaba umcondvo nemafinyela, Nkhosi!
Mavundla,Mgabhi waKhota,Sinukamnandzi njengesindvwane,Sinukamnandzi njengemakha emakhosikati,Mnteni loluhlata njengencoshane,NaboNdlovu kayitsi laphoInyatsele khona ngayitolo!NaboPhiliphili,NaboDangazela,Wena ungagezi ngemanti,Ugeza ngelubisi,Wena ungagezi ngelubisi,Ugeza ngembetse!Wena lowabhodl’ ebusweni benkhosi,Yanget’asho lutfo, yabonga,Dlanini imfe boBhembe!Sitawudl’ emagaba,Aphelile emalunga ngekwephulelana,Sihlamuhlamu semaNteni!
Ndlangamandla!Mphazima!Mntungwa!Mawandla kaNdlela!Nina baseMandlovini!Mlotshwa!Siwela!Mphazima kaLanga!Nina bakwaLanga libomvu,Elashis’amabel’ezikhuthali!Mabuya sezembethe’ugogwane!Mlotjw’akangakanani,Ngoba nasentendeni yesandl’uyahlala!Wena owaphath’induk’emnyama washay’amanzi, kwavel’udaka!Nkonjane yenkosi!Mpangazitha!
Mthethwa!Nyambose!Jobe!Jobe waDingiswayo,Mnguni, wena waseningizimu!Wena waLundzi!Wena waseThukela!Simamane sebuhlalu!Bhodla ngikhotse umlomo!Wena welitsambo!Limaniki ngilikhukhute ngaze ngadzinwa!Wena wenkhonjane tihamba emahhomu!Wena wesalukazi safa simbethe ubhedu emtanyeni,Ichegu lafa liphethe inchaka yalo,Mthethwa!
Msibi!Ndlondlo yakhotsa!Bashise!Abashiswa nguwe,Bashiswa tono tabo,Khatsidze!Wena welusendvo!Khotsa lomuhle!Wena wakaLaSiwela!Dvum’entsabeni ekhaya nasetsafeni!KaMsibi akuvalwa ngemivalo,Kuvalwa ngetinhloko temadvodza!Lonkhomonyenti tabuya nengwe nengwenyama!Wena waMataleni,Wayigudla ingula yendvodza,Sivekhulu!Nhlabanyeni!
Hlophe!Mabhengu,Lukhambule,Mkhonkosi,NaboNkhosi!Inyoni lebovu lehlala esihlanjeni,Kukhala lobovu,Kukhala waMabhengu!KaHlophe akuvalwa ngemivalo,Kuvalwa ngemakhandza emadvodza!Ndzawondze yengwenyama,Wena ushwila bantfu njengetinyamatane,Wate wakhala watsemba kutfukutsela!
Khumalo!Mntungwa,Wena wasemandla!Mbhilase,Kuhlase!Wena wadla umuntfu wamyenga ngendzaba,Nibahle Mantungwa ngoba nanikela umuntfu eludzengelweni!Nine nadlela encebeleshaneni,Wena waseBuhleni,Wena waSuwela!Wena waMzilikazi waMashobane,Wena wazilikaza izinkomo zamadoda!
Hlatjwako!Mhayise,Ngwanya ngelabogama,Mabhengeta!Ngwanya lomuhle lomphofu,Ngwanya dlani imfe!Mine ngidle lugaba,Ngoba mine uyabona kutsi emalunga aphelelile,Kwephulana wena walumlela umutsi eMbongweni!Bito linye liyabangwa,Libangwa boMpomzane naboMpomzane!
Nkhosi!Ginindza,Lomphofu netinyawo takhe,Mamba lendze leseNsokonsokweni!Leyatsandzela uMkhwakhwa neNgwavuma,Siwelela esimkhono umatima!Yindze lenyoka ifika eMavaneni,Ludvonga lwaMavuso waNgwane,Ludvonga lwaya eMbo lwabuyelela!Ludvonga lwashaya phansi kwafoma ingati etandleni,Sigubhu singumuntfu singuMswati!
Gamedze!Kunene,Mntimandze,Lobhambolunye!Tingaba timbili tafuta ekhabonyoko,Nigeza ngelubisi emanti ahleti!Malwakubi,Mlotjwa,Wena waseSinceni,Wena lowacedza since ngekwenaba,Dzindzikhulu!Wena wakhala emsamo kaboNgwane,Batsi nguye Kunene,Nguye Mntimandze,Lobhambolunye!Timomotfo,Bantfu labahle!