Izithakazelo zakwa Nkwanyana

Zikode!
Donda!
Myekwa bethathwa!
Makhanda kaNqayi!
Mthayi kaNsele!
Menzankosi, wena owakha ongiyane besilo
Nceku enhle!
Nceku yesilo uMpande!
Gabadela, owagabadela izingwe zoNgoye!
Madel’ imhlambi yezinkomo zabanumzane endle.
Mbeng’ osind’ abosi,
Mbeng’ owawela oNgoye
Wena sontukela/ sontukwini
Mqabula nkungu kwaNodwengu kwavel’ ilanga!
Langa elaphuma oNgoye!
Mangwe amahle!
Mlwandle!
Zingwe eziphuza kwesijulile isiziba ngokukholwa wulwandle,
Mathula kuhletshwa!
Bathi ngundlebe kazizwa
Kanti uthule ngabomu
Zetshisa umbiko kaZulu
Odumise okwezulu lihlomile
Ngomlomo kaZulu ongathethi manga
Sobahle!
Soshibe kaDangazela!
Nzim’ elimnyama!
Wena kab’ thikazi!
Wena kathubelez’ inyang’ isemafini!
Wena kanodel’ imiyalo!
Buhle busezini!
Abantu bakwaNkwanyana badabuka eSwazini, basabalele bakhona nasoPhongolo okuyilapho bebaningi ukutholakala khona kuleli laKwaZulu-Natali.

Leave a Reply