Gobeni,
Nsele,
Mangethe Zikode kaPhikela,
Wena wasEtsheni,
UZwane akadlelanga phansi wadlela emkhombeni wezinyamazane,
Edla im’ hlambi yezinkomo zamadoda,
Ndlangashushwana ngokudla amaNdebele,
Bathi uZwane udleni kwaMntambo?
Kuthiwa udle izinjana zimbili zigcwele umdakana,
Ntshosho!
Wena kamafu kawalingani,
Aphansi naphezulu,ngoba aphezulu angubo ngubo,
Ntsele kaLinda kaMkhonto,
Awungilinde ngilande ezami eZungeni,
Mthanti,
Nduna ngokuthwal’ isila sensele,
UNsele kangakanani,
Ngoba nasothini lomkhont’ angahlala.
Isikhova singathi “hhi” sibona imihlambi yezinkomo nabantu,
Nin’ enadlel’ encazeni,
Nin’ eniphakel’ umyeni odengeleni,
Ngoba ningabenkosi.
Zikode kaNdabansele,
Mabhayi kawalingani nawangaphansi nawangaphezulu,
Mangethe,
Nina bakaVezi Owadl’ isihlahla njengengwababane,
Zwane,
Phikela wengwe,
Nselenduna nina basetsheni laseNtshenteka,
Mandaba,
Ukub’ uMandaba wayengehlanga phezulu sasiyobuswa ngubani?
Zinkomo zakwaLinda ezimhlane ugcwele udaka,
Ezathi zidl’ ubhoqo kanti ziyawuhlakulela Ntshosho,
Nina BaseMangweni.
Izithakazelo zakwa Cebekhulu
AbaseMbo
Buthelezi
Clan names
Gumbi
Gumede
Gwala
Izibongo
Langa
Madlala
Magwaza
Malinga
Manqele
Mkhize
Ncube
Nene
Ntombela
Ntuli
Nzama
Nzuza
Qwabe
Shembe
Zondi
Zulu
Zungu
Zwane
Uyazazi izithakazelo zakho noma ezomunye? Zikfake lapha!