Amaphupho ngenhlama

Ukuphupha udla inhlama ekuhlaza kungasho ukuthi ungumuntu oxhamazelayo mayethatha izinqumo bese uba nokuzisola ekugcineni.
Uma uphupha udla inhlama izwakala ushukela kungasho ukuthi kukhona okuhle okuzayo.
Ukuphupha umuntu ogulayo exova inhlama kungasho ukuthi uzokwelulama kungekudala.
Ukuphupha indoda eshadile ixova inhlama kungasho ukuthi isebenza kanzima ukuze inakekele umndeni wayo.
Ukuphupha umfundi exova inhlama kungasho ukuthi usebenza ngokuzimisela ezifundweni zakhe futhi uzophumelela.

Ukuphupha inhlama ikhukhumele kungasho impilo emnandi enengcebo nentokomalo nokuba nezinsiza ezanele zokuziphilisa.
Uma uphupha inhlama oyixovile ingangakhukhumali kungasho ukuthi uzongathuthuki noma uma usebenza ngezamabhizinisi imali enganayo izokwehla.
Uma uwumakoti osanda kugana uphupha uxova inhlama kungasho ukuthi izidalwa zomuzi zikwamukele usuke usungasenza isithebe.
Uma uphupha uxova inhlama ungowesifazane ikhukhumala kungabika isisu kuwe noma komunye osondelene naye.
Uma uphupha ubona inhlama yonakele kungasho ukugula noma ukudumala ngenxa yokwehluleka ukufeza izinhlelo zakho.
Uma uphupha umuntu ongashadelwe exova inhlama kungasho ukuthi usebenza kanzima ukuze aphile impilo engcono.